في حال تعرضك للتحرش ، التهديد ، القذح و الذم و تشويه السمعة ، ابتزاز بصور او محادثات لازم تعملي الخطوات التالية :

#هاااااام

في حال تعرضك للتحرش ، التهديد ، القذح و الذم و تشويه السمعة ، ابتزاز بصور او محادثات لازم تعملي الخطوات التالية :

اولا : ماعاد تردي عليه او تتواصلي معه ابدا و بتاخدي سكرين شوت للكلام الي عم تتهددي فيه و المحادثة يكون واضح فيها البروفايل المرسل او رقم الهاتف اذا علواتساب .

بتصوري البروفايل و رابط البروفايل .

تانيا : بتطبعي كل الصور ومن ضمنن صورة رابط الصفحة .

ثالثا :  بتنزلي ع القصر العدلي  وبتكتبي معروض عند الكشك مرفق بالطوابع بأنه هلشخص عم يهددك او يبتزك او يتحرش او يشوه سمعتك وبتخرزي مع الأوراق الي طبعتيها .

رابعا : بتسجلي المعروض بديوان المحامي العام وبتتحول اوراقك للمحامي العام الي بدوره بيحول لفرع الجرائم المعلوماتية

خامسا : بفرع جرائم المعلوماتية بتكتبي ضبط

بعد كتابة الضبط بتروحي مع موظف هنيك عقسم الكمبيوتر وبتفتحوا الصفحات الي بالروابط واذا موجود بيحددوا مين هوي والموقع ال نشر منه او ال ip

بيطلبوا الشخص وبيوقفوه بيحققوا معه وبيحكوا معك تتعرفي عليه وتنصبي نفسك كمدعية شخصية  

بعدين بيحولوه عالمحكمة المختصة 

وفي حال طلبوه و ما حضر بيتعمم اسمه و بتتحول الأوراق ع المحكمة .

لا تخافي في حال كان بينكم علاقة سابقا او محادثات جنسية شو ما كان نوعها 

ما حدا بيتعرضلك بشي وما عليكي مسؤولية بهلخصوص

الجرم هوي التهديد او الابتزاز او التحرش وغيره ... حسب الوضع لكن انتي بأمان ما عليكي مسؤولية قانونية

في حال كنتي خايفة من موضوع عدم دعم أهلك إلك وربما عدائيتهم وأذاهم فيكي توكلي محامي وبيكون عنوانك مكتب محاميكي وكل التبليغات بتروح لعنده وبالاضافة لحماية خصوصيتك وسريتك بسبب خصوصية سرية علاقة المحامي و الموكل

#منقول