تعمل إيه لو اتقبض عليك لأي سبب؟؟
:::::::::::::::::::::::؛؛؛؛؛؛؛؛؛؛؛؛؛؛؛؛؛؛؛؛؛؛؛
1- لا تستدرج لأى دردشة شفوية حول موضوع اتهامك قبل البدء فى التحقيق المكتوب.
2- الإجابات النموذجية (محصلش / معرفش / مش فاكر) .
3- مهما اتغيرت صيغة السؤال خلى إجابتك ثابتة .
4- انكر أى علاقة ليك بالمضبوطات لو كان فيه وقول مش بتاعتى ومعرفش عنها حاجة .
5- لو طلب منك باسورد التليفون أو الفيسبوك قول مش فاكر لأنه وارد إن معاليك تكون ادلة ثبوت الجريمة على التليفون وكمان الطلب ده غير قانوني .
6- النيابة العامه هي المسؤولة عن اتهامك والتحقيق معاك فالمفروض تبقى محايدة وفى نفس الوقت ترجح إدانتك فى النهاية - عقب فى النصوص اللى بتنظمها - وبالتالى متفتكرش المحقق هيكون فى صفك الا اذا كان هناك ادلة قاطعة تنفى الاتهام .
7- المحامي دوره فى التحقيق إنه يرااااااقب التحقيق يعنى لو شايفه ماشي تمام ومضبوط ممكن ميتكلمش ولا كلمة
كمان متحاولش تسأله أو تطلب منه إجابات بعنيك أثناء التحقيق لأن دا بيوتر المحقق وبيخليه يرجح إدانتك ويشككه فيك أكثر .
8- لو أثناء تفتيشك أو تفتيش منزلك تم أخذ أى شئ وملقيتهوش فى النيابة إذكره فى أقوالك واتهم القائم بالتفتيش بسرقته .
9- لو تم التعدى عليك بالضرب أو السب - وإن كان دا قل مؤخراً - إتاكد إنك تذكر دا أمام النيابة ولو فيك إصابات اطلب عرضك على الطب الشرعى .
10- المواعيد مهمة من حق الجهة اللي قبضت عليك تحتفظ بيك 24 ساعه فقط قبل عرضك على النيابة لو قعدوك أكتر من كدا إتاكد إنك تذكر الميعاد الحقيقي اللى اتقبض عليك فيه .
11- دايما أول سؤال ليك بيبقى معاك محامي ؟؟؟
هنا تجاوب ب أيوه وتذكر إسمه الثلاثى وتتمسك بحضوره وترفض حضور أى محامي تانى تندبهولك النيابة ومتقلقش هما اللى ملزمين يجيبولك المحامى بتاعك ولو أصروا على إنتداب محامي غير محاميك ارفض الإجابة على اسئلتهم ودا حقك .
12- بالنسبة للسؤال بتاع هل معك شهود نفى ؟؟؟
لو فيه شهود على واقعتك أو على القبض عليك وأنت متأكد إنهم هيشهدوا إذكر أسمائهم ، ولو مش متأكد قول كان فيه ناس كتير موجودة إنما متقولش لا إلا لو فعلا مكنش فيه شهود .
13- هيكون فيه أسئلة من نوعية هل تعرف الضابط فلان لو تعرفه قول آه والسؤال اللى بعده هيكون هل فيه بينك وبينه خلافات لو فيه قول أيوه متخافش لو قلت لا هيكون فيه سؤال بيقول ما تفسيرك لما سطره الضابط فلان فى محضره (يعنى بيقول عليك كدا ليه) هنا تجاوب بانه أكيد مطلوب منه عدد قضايا علشان كدا لفقلى الإتهام دا.
14- لاحظ أنه لا يجوز تحليف المتهم ولا ترهيبه ولا ترغيبه يعنى لو المحقق قالك طب تحلف قوله مينفعش تحلفنى ولو قالك رد بدل ما هحبسك قوله مينفعش تهددنى ولو قالك قول وأنا هخليك تروح غالبا بيضحك عليك فمتبقاش ساذج .
15- من حقك تتابع كل اللى بيتكتب فى التحقيق على لسانك وتقرأه في النهاية قبل ما توقع عليه ولو مكتوب كلام غير اللى أنت قولته إرفض التوقيع علي المحضر
منقول....
تعليقات
إرسال تعليق